Vikosi vya EU vyashambulia maharamia Somalia

By Maganga Media - May 16, 2012

Vikosi vya wanamaji wa EU, vimefanya shambulio lao la kwanza dhidi ya maharamia wa kisomali katika nchi kavu na kusema wameharibu baadhi ya maboti za maharamia hao. Vikosi hivyo vilisafirishwa kwa helikopta hadi katika kitovu cha maharamia hao katika bandari ya Haradhere.

Maharamia nchini Somalia wamekamata takriban meli 17 na wafanyakazi 300 wa meli hizo katika bahari ya Hindi na wao hutaka kutolewa kwa kikombozi kwanza kabla ya kuachiliwa kwa meli hizo. Hivi karibuni imekamatwa meli ya ugiriki ya mafuta 'Smyrni' ambayo ilitekwa katika bahari ya Arabia wiki jana. Meli hiyo ambayo ina bendera ya Liberia, imebeba tani 135,000 za mafuta ikielekea nchini Somalia.