Hoteli yashambuliwa na magaidi Mombasa

Hoteli hiyo ,Bella Vista Restaurant,ni maarufu sana kwa watalii na wenyeji na iko kando ya barabara kuu itokayo bandari ya Mombasa. Mkuu wa kitengo cha polisi wa jinai mjini Mombasa Bwana Ambrose Munyasya amesema kuwa watu watano walijeruhiwa vibaya katika kisa hicho. Uchunguzi wao wa awali unaonyesha kuwa kulikuwa na milipuko mitatu katika klabu hicho cha Bella Vista Restaurant.

Inadaiwa kuwa watu wawili walikwenda katika Klabu hicho wakitaka kuruhusiwa kuingia.
Lakini walipotakiwa kupekeliwa na maaskari wa hoteli hiyo walikataa na ndipo wakarusha maguruneti hayo.
Walioshuhudia mkasa huo wanasema kuwa magaidi hao walifyatua risasi ovyo ovyo wakati walipokuwa wakitoroka. Hata hivyo polisi wanasema hawaja mkamata mtu yeyote kutokana na kisa hicho.