Sentongo hata hivyo alifunga magoli manne pekee wakati wa mashindano hayo.

Wachezaji waliofunga idadi magoli mengi kuliko Sentongo,Mrisho Ngassa na John Bocco wa timu ya Tanzania bara, walinyimwa tuzo hilo, na kamati ya ufundi ya mashindano hayo.

Katika mashindano yaliyopita, mchezaji aliyefunga idadi kubwa ya magoli ndiye huibuka mshindi wa taji hilo, lakini mwaka huu mambo nchini Uganda yalikuwa tofauti. 

''Ngassa na Bocco walifunga magoli matano kila mmoja na ilitarajiwa wangepewa tuzo ya mfungaji bora lakini katika hali ya kushangaza kamati ya CECAFA, ilimpa tuzo hilo mshambuliaji wa Uganda, Robert Ssentongo aliyefunga magoli manne'' Alisema kocha wa Kilimanjaro Stars.

Hata hivyo kwa mujibu wa ripoti ya mwamuzi wa mechi ya fainali kati ya Uganda Cranes na Kenya, Ghiery Nkurunziza kutoka Burundi, Sentongo ndiye aliyefunga bao la ushindi la Uganda, lakini kuna habari za kutatanisha kuwa, bao hilo lilikuwa la kujifunga.

Hata hivyo, ushahidi wa picha za televisheni unaonyesha kwamba beki wa Kenya, Anthony Kimani, alijifunga magoli yote mawili ya fainali.

Baada ya mechi hiyo ya fainali, kipa wa Harambee Stars Duncan Ochieng anaripotiwa kughadhabishwa sana na kitendo hicho cha Kimani kiasi cha kutaka kupigana na beki huyo, kwa kusababisha Kenya kupoteza Kombe hilo.

Wengine waliotuzwa baada ya mashindano hayo ni pamoja na Brian Umony, ambaye alitangazwa kuwa mchezaji bora, Hamza Muwonge kutoka Uganda naye aliibuka Kipa bora baada ya kufunga bao moja pekee wakati wa mashindano hayo.

Source: BBC

MSANII wa filamu Bongo, Tamrina Poshi ‘Amanda’ amefunguka kuwa hataki kusikia habari ya ndoa kwani ameshaonja uchungu na utamu wake.

Akiongea na waandishi wetu, Amanda alisema kwa sasa hafikirii suala la ndoa na badala yake ataishi katika uhusiano wa kimapenzi tu na mtu kwani ni vigumu kwa mwanamke kukaa bila kuwa na mwanaume.

“Sitaki hata kusikia ndoa kwa sababu nimeshaonja kwa aliyekuwa mume wangu Hamis Bwela kwa hiyo sina wazo kabisa labda itakuja kutokea hapo baadaye lakini kwa sasa ninaweka nguvu zangu katika kazi tu,” alisema Amanda.

Steven Kiprotich wa Uganda amekishangaza kikosi kikali cha Wakenya na kushinda mbio za marathon kunako siku ya kuhitimisha michezo ya Olimpiki ya London 2012.Medali hii ya dhahabu kwenye mashindano ya mwaka huu ni ya pili kwa Uganda tangu mwaka 1972 marehemu John Akii Bua aliposhinda mbio za mita 400 kuruka viunzi kwenye mashindano ya Munich.

Kiprotich ameshinda mbio hizi katika mda wa saa 2 dakika 08 na sekunde 01 kupitia mitaa ya jiji la London akiwa mbele ya mshindi wa mara mbili wa mbio za marathon na bingwa mtetezi Abel Kirui aliyemaliza wa pili katika mda wa saa 2 dakika 08 na sekunde 27.

Mkenya mwingine aliyeongoza mbio za leo kwa kipindi kirefu Wilson Kipsang, ameshinda medali ya shaba akimaliza katika mda wa saa 2:09.37.

Hii ni medali ya pili ya dhahabu kwa Uganda kwenye mashindano ya Olimpiki baada ya miaka 40. Medali nyingine ya mashindano ya Olimpiki ilikua ya fedha mkimbiaji wa mbio za mita 400 Davis Kamoga alipofukuzana na bingwa wa nyakati hizo Michael Johnson wa Marekani mwaka 1996.

Mbio hizi kwa kipindi cha kilomita 10 kilitawaliwa na Franck De Almeida kutoka Brazil ikiashiria mbio kali zitakazowaniwa kati ya Wakenya na Waethiopia. Lakini mbinu za Ethiopia zilichachuka pale Dino Sefir alipoonekana kuishiwa nguvu na kasi yake kupungua na Kipsang kuanza kuwasha moto na kuongoza kupitia mitaa kadhaa ya Jiji.

Mkenya huyu aliweka pengo la sekunde 30 kupitia eneo ambalo lina vivutio safi vya mji wa London na kufikia kituo cha kilomita 30 mwanariadha wa pili wa Ethiopia Getu Feleke akaonyesha dalili za kukata tamaa na kuonekana kurudi nyuma.

Kufikia eneo lilikua na watazamaji wengi sana Kiprotich akaongezea mafuta miguu na kuanza kumkimbiza Kipsang akigawanya kikundi cha wakimbiaji waliokua wakisaka nafasi nono za medali.

Hatua yake ilisababisha kuwaamsha Wakenya, kwanza mshindi wa Marathon za Dubai Ayele Abshero wa Ethiopia aliyepunguza pengo lililowekwa na Kipsang hadi sekunde 11 na kufikia kilomita 25 walikua pamoja.

Hadi kilomita 30 Abshero alianza kuona mwendo kua na uchungu na miguu mizito na kuachwa nyuma kwa sekunde 36 na hata kupitwa na Marilson Dos Santos wa Brazil.  Kundi lililokua likiongoza kupitia sehemu iliyofunikwa ya soko la Leadenhall kuingia hatua ya kilomita saba za mwisho, Wakenya walijitahidi kumuacha Kiprotich.

Lakini Kiprotich akiwaonelea wa Kenya walio mbele yake wakisinzia na kuweka kasi yake juu na kuwapita kwenye hatua ya kilomita 32 na kuwashangaza alipowaacha kwa tofauti ya mita 200.

Kiprotich, ambaye alihamisha mazowezi yake katika eneo maarufu la mazowezi huko Eldoret ambako amejiunga na bingwa wa zamani wa mbio za mita 5000 Eliud Kipchoge, aliongezea kasi yake na kudhibiti nafasi yake mbele.

Kupitia kilomita mbili za mwisho, Mganda huyo mwenye umri wa miaka 23 alikua mbele ya Kirui kwa tofauti ya sekunde 20 na aliweza kupata mda wa kuchungulia anayemfuta yuko wapi kabla ya kunyakua bendera ya Uganda kwenye hatua yake ya mwisho akiingia Mall, pembezuni mwa Kasri ya Buckingham, na kuivaa shingoni wakati akivuka mstari wa kumalizia mbio hizi.

Kumaliza mbio
1 Kiprotich UGA 2:08:01 - Dhahabu
2 Kirui KEN 2:08:27 - Fedha
3 Kiprotich KEN 2:09:37 - Shaba

Usain Bolt usiku wa Alhamisi alifanikiwa kuwa mwanariadha wa kwanza katika historia ya michezo ya Olimpiki, kuweza kuutetea ubingwa wake kikamilifu katika mbio zote fupi, mita 100 na vile mia 200. Bolt aliwaongoza wanariadha wenzake kutoka Jamaica katika kunyakuwa medali zote tatu katika mashindano hayo ya mita 200.

Muda wa Bolt katika mashindano hayo ulikuwa ni sawa na ule wa Michael Johnson katika mashindano ya Atlanta, na uliokuwa muda bora zaidi wa dunia wakati huo, wa sekunde 19.32. Mwanariadha ambaye hufanya mazoezi na Bolt, Yohan Blake, alipata medali ya fedha, huku Warren Weir akichukua ya shaba. 

Blake alikuwa amemshinda Bolt katika mashindano ya Jamaica ya kufuzu kushirikishwa katika mbio za London, lakini Blake hakuwezana na kasi ya Bolt wakati huu."Hili ndilo jambo ambalo nililitaka, na nimefanikiwa kulipata. Ni fahari kuu kwangu,"

Mkenya David Lekuta Rudisha ameibuka kuwa mwanariadha wa kwanza kuandikisha rekodi mpya kwenye mashindano ya riadha katika michezo ya Olimpiki, inayoendelea jijini London Uingereza na kisha kushinda medali ya dhahabu katika mbio za mita mia mbili.

Akiwa anashiriki fainali ya michezo ya Olimpiki kwa mara kwanza, Rudisha mwenye umri wa miaka 23 alinyakuwa ushindi huo kwa kuwa mtu wa kwanza kukimbia umbali wa mita mia nane kunako dakika 1, sekunde 40 nukta 91.

Mwariadha wa Botswana Nijel Amos, umri 18, alinyakuwa medali ya fedha huku chipukizi mwingine kutoka Kenya Timothy Kitum, akiridhika na medali ya shaba.

Mwingireza Andrew Osagie alimaliza katika nafasi ya nane lakini akaweza kuandikisha muda bora wa dakika 1:43.77.

Rudisha ambaye ni bingwa wa dunia aliongoza katika mbio hizo tangu mwanzo hadi mwisho na kuwaacha wanariadha wenzake kwa tofauti ya sekunde 49.28. Kisha akafyatuka katika hatua za mwisho mwisho na kuivunja rekodi yake mwenyewe.