Jerry Muro kurusha vipindi vyake TBC1
By Maganga Media - Jun 10, 2012
Jana zilienea tetesi kuwa Jerry Muro anarudi TBC. Jerry mwenyewe ametoa ufafanuzi wa ziada kuwa hatakuwa mwajiriwa wa TBC bali atawauzia vipindi na atakuwa huru kuviuza TV yeyote. Hapa chini ni maelezo ya Jerry Muro.
UFAFANUZI WA JERRY MURO
Napenda kuwajulisha wanamabadiliko kuwa kuanzia Jumapili tarehe 10 mwezi huu,saa tatu na nusu usiku nitaanza kurusha mfululizo wa vipindi vyangu TBC,lengo la vipindi hivi ni kuonyesha kazi mbalimbali zilizofanywa na serikali kwa kushirikiana na taasisi ya mkapa foundation haswa katika masuala ya afya.
Vipindi pia vitaonyesha changamoto mbalimbali tunazokabiliana nazo katika sekta ya afya ili kwa pamoja tuweze kuzitatua haswa katika maeneo ya pembezoni mwa nchi(vijijini).Vipindi hivi nimefanya mwenyewe na kampuni binafsina vitarushwa TBC kwa ufadhili wa mkapa foundation.
Napenda ieleweke, mimi Jerry Muro sijaajiriwa TBC bali narusha vipindi vyangu pale kwa muda wa miezi miwili na nusu.Mashabiki na wapenzi wa kazi zangu karibu tutazame ili pamoja tuweze kukabiliana na changamoto zinazolikumba taifa letu na hatimae tuweze kuleta maisha bora kwa kila Mtanzania.
Naomba kuwakilisha,
Jerry muro.
Follow Maganga Media on Twitter, Feel free to like and comment Facebook. Stay updated via RSS
ANDIKA MAONI YAKO KUHUSU HABARI HII
