Hongera Ngorongoro Heroes!
By Maganga Media - Apr 22, 2012
Timu ya taifa ya Tanzania chini ya miaka 20, Ngorongoro Heroes, imepata ushindi kwa kuwafunga vijana wenzao kutoka Sudan jumla ya magoli 3 -1 katika mechi ya mkondo wa kwanza kufuzu fainali Kombe la Mataifa ya Afrika kwa vijana chini ya umri wa miaka 20.
Iliwachukua timu ya Tanzania dakika tano ambapo katika dakika ya 18 Ramadhani Singano alipachika goli la pili na hivyo hadi mapumziko matokeo yalikuwa 2-0. Katika kipindi cha pili timu ziliingia uwanjani kwa ari kubwa ya kupata magoli ambapo zilionekana kushambuliana kwa zamu.
Ni Tanzania tena waliobahatika kupata goli mwishoni mwa kipindi cha pili katika dakika ya 43 kupitia Simon Msuva. Hata hivyo Sudan walionekana kutokata tamaa ambapo katika dakika ya 46 Ahmed Nas Eldin alipachika goli la kufuta machozi kwa upande wa Sudan, na mpira ukamalizika kwa matokeo ya 3-1.
Timu hizi zinatarajiwa kucheza mechi ya mkondo wa pili wiki mbili zijazo mjini Khartoum, Sudan, kati ya Mei 4, 5 au 6 mwaka huu. Fainali za Kombe la Mataifa ya Afrika kwa vijana chini ya umri wa miaka 20 zinatarajiwa kuchezwa nchini Algeria mwaka 2013. Bingwa mtetezi ni Nigeria.
Follow Maganga Media on Twitter, Feel free to like and comment Facebook. Stay updated via RSS
ANDIKA MAONI YAKO KUHUSU HABARI HII
